गंगा में बह गइल तीन जने, एक्के लाश मिलल, बाकी के खोज जारी
बनारस। गंगा मइया के घाट पर एगो दुखद घटना हो गइल। शनिचर के दिने दु लड़िका अउर एगो लड़की गंगा में नहाय गइलें। उहै बीच में तीनों गंगा मइया के गोदी में समा गइलें। बड़ा दुःख के बात बा कि उनकरा में से एक लड़िका के लाश मिलल, बाकिर बाकी दू जने के अभी तक कोई सुराग नाहीं मिलल हौ।
लड़िका के लाश मिलला के बाद लोगन के दिल बैठ गइल बा। परिवारवालन के हाल बेहाल बा, सब के आँख भरल बा। गंगा के किनारे पुलिस अउर गोताखोर लोगन के टीम बाकी दू जने के खोज में जुटल बा। उ सब खतरनाक धारा में खोजी अभियान चला रहल बा, लेकिन गंगा मइया के गहराई के कारण अभी तक कउनो सफलता नाहीं मिलल हौ।
लोगन के भीड़ जुटल बा घाट पर, अउर सब लोग अपने-अपने तरह से भगवान से प्रार्थना कर रहल बा कि बाकी दू जने सकुशल मिल जाव। काशी में ई घटना लोगन के दिल में एक टीस छोड़ गइल बा। सबके नजर अब पुलिस अउर गोताखोर टीम पर बा कि कब ऊ खबर लेके आवें।
बच गइल छात्र बतावत बा ई बात
रिशु, जे वैभव के साथी बा, बतवलें कि ऊ दुनु विवेकानंद यूनिवर्सिटी जयपुर से बीटेक करत रहलन। ई घटना के बारे में रिशु पुलिस के सूचना दिहलन। ऊ बतवलें कि सबेरे सात बजे के ट्रेन पकड़े के रहे। हमनी बनारस में अपना एक दोस्त से मिले आइल रहीं अउर नींद ना आ जाय, इहे सोच के गंगा किनारे टहलत आ गइलीं।
सब लोग गंगा के किनारे जेटी पर खड़ा रहे, जहाँ पहिले सोना डूबे लागल। ओकरे बचावे के चक्कर में वैभव अउर ऋषि गंगा में समा गइलें। वैभव के लाश बरामद हो गइल बा, बाकिर बाकी दू जने के तलाश अबहीं जारी बा। रिशु अउर वैभव के सबेरे जयपुर जाये के रहे।
